ಎಲ್ಲ ಪ್ರಶ್ನೆಗಳಿಗೂ ಒಂದೇ ಉತ್ತರ : ಎಲ್ಲವೂ ಸಾಗಿಹೋಗುತ್ತದೆ !

ನಾನು ನಿಮಗೆ ಈ ಕಥೆಯನ್ನು ಏಕೆ ತಿಳಿಸಲು ಇಷ್ಟಪಡುತ್ತೇನೆಂದರೆ, ಇದು ನಿಮ್ಮ ಹೃದಯದ ಆಳಕ್ಕೆ ಮುಟ್ಟಿತೆಂದರೆ ನಿಮ್ಮ ಜ್ಞಾನದ ವಿಕಾಸಕ್ಕೆ ಇದು ಮಹತ್ತರ ನೆರವಾಗಬಲ್ಲದು. ವೃದ್ಧಾಪ್ಯವನ್ನು ಸಮೀಪಿಸುತ್ತಿದ್ದ ರಾಜನೊಬ್ಬ ಸಹಜವಾಗಿ ತನ್ನ ಸಾವಿನ ಬಗ್ಗೆ ಚಿಂತೆ ಮತ್ತು ಆತಂಕಕ್ಕೊಳಗಾದ. ಒಂದು ರಾತ್ರಿ ಆತ ಸಾವಿನ ಬಗ್ಗೆಯೇ ಆಲೋಚಿಸುತ್ತಿದ್ದ ಆದುದರಿಂದ ನಿದ್ರೆಯನ್ನೇ ಮಾಡಲಿಲ್ಲ. ಪರಾಕ್ರಮಿಯಾಗಿದ್ದ, ಬಹಳಷ್ಟು ಜನರನ್ನು ಸಂಹರಿಸಿ, ಬಹಳಷ್ಟು ರಾಜ್ಯಗಳನ್ನು ಗೆದ್ದುಕೊಂಡಿದ್ದ ತನ್ನಂಥವನಿಗೆ ಇದೇನಾಯಿತೆಂದು ಅರಿಯದೆ ತಳಮಳಿಸಿದ. ಇದ್ದಕಿದ್ದಂತೆ ಈ ಅಧೀರತೆ ಏಕೆ? ಇನ್ನೊಬ್ಬರ ಸಾವು ನಿಮಗೆ ಅಸಂಬದ್ಧವೆನಿಸುವುದು, ಆದರೆ ನಿಮ್ಮ ಸಾವು ನಿಮ್ಮನ್ನು ಅಧೀರನನ್ನಾಗಿಸುವುದು. ಮರುದಿನ ಮುಂಜಾನೆ ರಾಜ ತನ್ನ ಆಪ್ತ ಸಲಹೆಗಾರರನ್ನು ಒಟ್ಟುಗೂಡಿಸಿದ. ಅವರನ್ನು ಕೇಳಿದ, “ನೀವು ಯಾರೂ ಸಲಹೆ ನೀಡಲು ಇರದಿರುವಂತಹ…